കൃഷി വിജ്ഞാന കേന്ദ്രം, വയനാട്

ജില്ലയിലെ വിവിധ വിളകളുടെ മെച്ചപ്പെടുത്തലിനായി മലയോര മേഖലയിലെ ഏറ്റവും പുതിയ കാർഷിക സാങ്കേതിക വിദ്യകൾ പ്രദർശിപ്പിക്കുന്ന പ്രധാന കേന്ദ്രമാണ് കേരള കാർഷിക സർവ്വകലാശാലയുടെ വയനാട്ടിലെ   കൃഷി വിജ്ഞാന കേന്ദ്രം. വാണിജ്യ സുഗന്ധവ്യഞ്ജനങ്ങൾ, ഉപഉഷ്ണമേഖലാ പഴങ്ങൾ, ശീതകാല പച്ചക്കറികൾ, പുഷ്പവിളകൾ, എന്നിവയിലെ കാർഷിക പരീക്ഷണങ്ങളുടെയും മുൻ‌നിര പ്രദർശനങ്ങളുടെയും അടിസ്ഥാനത്തിൽ കേന്ദ്രം സാങ്കേതിക പരിഹാരങ്ങൾ നൽകുന്നു. ഗുണനിലവാരമുള്ള നടീൽ വസ്തുക്കളുടെയും മറ്റ് ഉല്പനോപാദികളുടെയും വിതരണത്തിലൂടെ കൃഷിക്ക് വേണ്ടുന്ന പിന്തുണ നൽകാനും ഇതിന് കഴിയും. നൈപുണ്യ  വികസനം ഉൾപ്പെടെയുള്ള കർഷക പങ്കാളിത്ത പരിപാടികളിലൂടെയും കർഷകർക്ക് സുസ്ഥിര വരുമാനം ഉറപ്പാക്കുന്നതിനുള്ള സാങ്കേതിക ഇടപെടലിലൂടെയും മലയോരമേഖലയിലേയും വയനാട്ടിലേയും കാർഷിക പ്രതിസന്ധി പരിഹരിക്കാനുള്ള ഉത്തരവാദിത്തം സ്റ്റേഷനിൽ നിക്ഷിപ്തമാണ്.  ജില്ലയിലുടനീളം ബഹുമുഖവും സംയോജിതവുമായ പദ്ധതികളും പരിപാടികളും നടപ്പിലാക്കുന്നതിന് മൾട്ടി-ഡിസിപ്ലിനറി ശാസ്ത്രജ്ഞരുടെ ഒരു സംഘം ഇവിടെ  പ്രവർത്തിക്കുന്നു. വയനാട്ടിലെ വിവിധ കർഷക വിള ഇനങ്ങളെക്കുറിച്ച് സ്റ്റേഷൻ ഒന്നിലധികം പരീക്ഷണങ്ങളും വിലയിരുത്തലുകളും നടത്തിയിട്ടുണ്ട്.